👈 والدین👉

👈  والدین👉

آج سکول میں آنے پر مجھے معلوم ہوا کہ بچے سکول نہیں آئے، بچوں کے سکول نہ آنے کی وجہ والدین ہیں. جنہوں نے اپنی بعض مجبوریوں کی وجہ سے بچوں کو وقت کی پابندی اور علم حاصل کرنے کی اہمیت کو سمجھانا ضروری نہیں سمجھا.

آج میں دنیا کے کچھ ایسے عظیم والدین کے بارے میں بتانا چاہتا ہوں جن کی محنت اور لگن کی وجہ سے ان کی اولاد آج کامیاب شخصیت کے طور پر دنیا کے سامنے آئی ہیں.

دُنیا کے سب سے بڑے اور ایماندار انویسٹر آپ کے والدین ہیں، یہ ایسے انویسٹر ہیں جو اپنے بچوں پر تین طرح کا سرمایہ خرچ کرتے ہیں !!!

1: مال و دولت

2: وقت (اپنی ساری عمر)

3: اپنی جوانی/عمر (خوبصورتی، حسن و جمال، اپنی طاقت)

اور یہ (والدین) ایسے انویسٹر (سرمایہ) کار ہیں کہ:

اپنا وقت ، عمر ، پیسہ اور اپنی سوچ و فکر سب قربان کرتے ہیں وہ بھی بنا کسی لالچ کے۔ انہوں نے کبھی یہ نہیں سوچا کہ جس پر وہ انویسٹ کر رہے ہیں کیا وہ اُنہیں آگے جاکر کوئی فائدہ پہنچا پائے گا کہ نہیں، بنا کسی فکر و فائدے کے وہ اپنے بچوں پر انویسٹ کیے جاتے ہیں ، کیے جاتے ہیں اور کیے ہی جاتے ہیں

مگر آخر جب وہ زندگی کی بھاگ دوڑ اور آپ کی خواہشات کے محلوں کو تعمیر کر کے اپنی عمر کی اُس منزل پر آ پہنچے ہیں جہاں پر وہ اپنی ساری مضبوطی آپ پر قربان کر کے خود کمزور پڑ جاتے ہیں۔ بس پھر وہی سے اُن کے دل میں ایک عاجزانہ سی خواہش جنم لیتی ہے اور وہ خواہش پتا ہے کیا ہے؟

کہ جس طرح ہم نے اپنے بچوں کے کمزور اور لڑکھڑاتے قدموں کو مضبوطی بخشی ، اُن کا ہاتھ تھام کر اُنہیں چلنا سکھایا ، اُنہیں پیار و محبت اور شفقت سے پالا بالکل اُسی طرح ہمارے بچے بھی ہمارا سہارا بنیں میری باتیں تھوڑی توجہ طلب ہیں اگر آج ہم اپنی اولاد کی تربیت اچھی کریں گے تو کل آنے والے وقت میں ان سے اچھے کی امید رکھ سکتے ہیں، بچے والدین سے متنفر کیوں ہوتے ہیں؟ اس کی کچھ وجوہات میں اپنے ایک کالم ڈر خوف اور بچہ میں سمجھانے کی کوشش کر رہا ہوں. ، والدین کی عاجزانہ خواہشات:

  ہم چلنا بھول گئے ہیں ہمیں چلنا سکھائیں ،

  ہم کھانا بھول گئے ہیں ہمیں کھانا کھلائیں ،

  ہم جینا بھول گئے ہیں ہمیں جینا سکھائیں ،

  ہم ہنسنا بھول گئے ہیں ہمیں ہنسنا سکھائیں ،

اگر خالص مُحبت سیکھنی ہے نا تو اپنے والدین سے سیکھیں ، ایک نگاہ اُن کی طرف اٹھا کر تو دیکھیں آپ کو خود ہی اندازہ ہو جائے گا کہ آپ کو بناتے بناتے اُنہوں نے خود کو خاک کر لیا ہے اور بدلے میں آپ سے کوئی ڈیمانڈ نہیں کی، اِسی کو کہتے ہیں سچی مُحبت کہ خود کو فنا کرکے اپنی محبوب چیز کو زندہ رکھنا اور زندگی سنوارنے کی ہر ممکن کوشش کرنا بنا کسی پرافٹ کے لالچ کے ...

 بچوں سے گزارش ہے کہ خدارا اپنے والدین کی قدر و قیمت کو پہچانیں  🙏🏻

اُن کی قدر کریں، اُن سے محبت کریں، اُنہیں اپنا وقت کہ جس کی انہیں سب سے زیادہ ضرورت ہے اُنہیں دیں،  اُن کے بار بار سوال کرنے یا پوچھنے کی عادت سے اُکتائیں مت، یہ اُن کا حق ہے اور آپ کا فرض کہ وہ آپ کی زندگی اور ذات کے ہر پہلو سے باخبر رہیں اور آپ کو غلط راستے پر جانے سے روکیں، اپنے والدین کی روک ٹوک کو بُرا نہ جانیں بلکہ ایک نعمت سمجھیں کیوں کہ وہ آپ کو اُن کو ٹھوکروں اور بُرے تجربات سے محفوظ رکھنا چاہتے ہیں کہ جن سے وہ خود گزر چکے ہیں، لہٰذا جیسے وہ بچپن میں آپ کے دس بار سوال کرنے پر بنا کسی شکن کے مسکرا کر جواب دیتے تھے بالکل اُسی طرح آپ کا بھی یہ امتحان اور فرض ہے کہ بنا کسی شکن کے مسکرا کر اُن کے سو بار پوچھنے پر مسکرا کر جواب دیجیے۔

یہ عادات بچوں میں کس نے پیدا کرنی ہیں؟ ایک استاد سکول میں تو بچوں کو سمجھا سکتا ہے لیکن، بچوں کا زیارہ وقت گھر میں گزرتا ہے. اچھی تربیت کے لیے ضروری ہے کہ آپ بچوں کو ٹائم دیں، آج آپکا بچوں کو دیا ہوا وقت کل آپ کے بوڑھاپے میں کام آئے گا میری یہ بات نوٹ فرما لیں.

آپ جب بھی دُعا کے لیے ہاتھ اٹھائیں

سب سے پہلے اپنے والدین کے حق میں دُعا کریں ان شاء ﷲ آپ کی سب جائز دعائیں ﷲ تعالیٰ قبول کریگا۔

اگر آپ کے والدین حیات ہیں تب بھی اور اگر وفات پا چکے ہیں تب بھی اُن کے حق میں یہ دُعا ضرور کیا کریں

 اَللّٰھُمَّ رَبِّ ارْحَمْهُمَا كَمَا رَبَّيَانِي صَغِيرًا﴾ [الإسراء:  24]

 اپنے والدین کے ساتھ حکمِ الہٰی  کے مطابق پیش آئیں:

          ترجمہ:اور تمہارے رب نے حکم فرمایا کہ اس کے سوا کسی کی عبادت نہ کرو اور ماں باپ کے ساتھ اچھا سلوک کرو۔ اگر تیرے سامنے ان میں سے کوئی ایک یا دونوں بڑھاپے کو پہنچ جائیں تو ان سے اُف تک نہ کہنا اور انہیں نہ جھڑکنا اور ان سے خوبصورت ، نرم بات کہنا۔

 اور ان کے لیے نرم دلی سے عاجزی کا بازو جھکا کر رکھ اور دعا کر کہ اے میرے رب! تو ان دونوں پر رحم فرما جیسا ان دونوں نے مجھے بچپن میں پالا۔

[الإسراء: 23، 24]

 ﷲپاک ہمیں ہمارے والدین سے مُحبت کرنے والا اور فرمانبردار بنائے۔ اور والدین کی حیثیت رکھتے ہوئے ہمیں اولاد کی بہترین پرورش کرنے کی توفیق عطا فرمائے آمین

 (آمین)

نوٹ:

یہ تحریر  بچوں اور والدین دنوں کو ضرور پڑھنی چاہیے اس میں دنوں کے لیے اصلاحات بیان کی گئی ہیں...

✍️_ محمد طاہر فاروق

🤲 یا اللہ ہمیں دین سمجھنے اور اس پر عمل پیرا ہونے کی توفیق عطا فرما! 🤲